Super Cup semifinal a chiang

Pathianni zan Indian Super Cup quarterfinal in­khelah Chennaiyin FC chuan 2-1 in NorthEast United an hneh a, semi­final khel tur club pali a hriat kim ta.

NorthEast United tan Rowllin Borges chuan goal hmahruai khung mah se South Indian club-in Mail­son Alves leh Anirudh Thapa hmangin an chhang­let a, 2-1 in hnehna an chang.

Highlanders tan van­duai zan a ni a, striker Juan Mascia chuan vawi hnih ngawt woodwork a tih per a, Mizo rawlthar K. Lalṭhathanga'n goal khungna chance vawi hnih a neihah a khung lo bawk.

Chennaiyin hma hian Chennai City, FC Goa leh ATK te chuan semifinal an lo lut tawh bawk a, vawiinah semifinal hi khelh ṭan a ni nghal ang.