8 & 9 Ball Pool C'ship K. Lallawmkima a champion

Mizoram Snooker & Billiards Association buatsaih Mizoram 8 & 9 Ball Pool Championship 2018-19 ah Khatla South tlangval K. Lallawmkima chu a champion ve ve.

Inelna hi MSBA Hall, Hawla Indoor Stadium, Republic Vengthlangah April 5-6, 2019 khan khelh a ni a, player 48-in Championship hi an hmachhawn. 8 Ball Pool bikah hian K. Lallawmkima hian semifinal-ah Dawrpui tlangval PB Liansangzuala hnehin final-ah Tuikhuahtlang tlangval Lalrina Renthlei chu 8-3 in a hneh.

9 Ball Pool-ah Khatla South tlangval K. Lallawmkima hian semifinal-ah Lalrina Renthlei a hneh a, final-ah Dinthar tlangval Peter Lalrintluanga chu 9-7 a hnehin a champion a, inelna pahnihah nomawi a la ve ve. Inelna hi MSSC sponsor a ni.