Super Cup final lut hriat dawn

Indian Super Cup semifinal-ah zanin dar 8:30 hian Chennaiyin leh ATK an inhmachhawn dawn a, March 13-a final-a inhmachhawn tur a hriat chian ang.

Nizan khan I League champion Chennai City leh Indian Super League finalist an inkhel a, he thu buatsaih a nih lai hian an result kan hre hman lo.

Super Cup-ah hian Chennaiyin hi round of 16 aṭangin an inlan ṭan a, match hmasa berah Jeje Lalpekhlua leh CK Vineeth goal hmangin Mumbai City chu 2-0 in an hneh.

Quarterfinal-ah Chennaiyin hian goal chhuah hmasa zet mah se NorthEast United chu 2-1 in an lehthal leh bawk a, ISL-a an 'form' loh kha chu an mangṭha fel tawh.

ATK pawh last 16 aṭanga inlan tho an ni a, an match hmasa berah hian Real Kashmir chu 3-1 in an hneh. Semifinal-ah Delhi Dynamos chu 4-3 in an hneh leh bawk a, Bal­want Singh chuan hattrick a siam - Chennaiyin lakah che ṭha turin an beisei ang.