Del Potro a dam hnai

Juan Martin del Potro chuan a khup hliam vanga hun rei tak chhung tennis a khelh theih loh hnuah a inkhel leh hnai tawh a, clay court season a hman theih ngei beisei a ni.

Kum 2009 US Open champion hi season hmasa tawp lam khan a inhliam a, kumin season bul ṭanna Australian Open-ah pawh khan a inlan thei lo. A hliam ziaawm hnuah tun season chhungin match thum khel ve bawk mah se result ṭha a la nei lo.

Kum 30 mi Del Potro chungchanga thu puangtu Angel Cotorro chuan, "Thla ruk liam ta a a khup hliam khan kar hmasa khan endik nawn leh a ni a, dam fel vek la ni lo mah se a dinhmun a ṭhat tawh avangin hun rei lote chhungin ṭha takin training a zawm thei tawh ang," tiin a sawi.