A pa hming mamawh lo Ronaldinho fapa!

Brazilian legend Ro­­naldinho fapa Joao Men­des chuan foot­ball khawvelah pa hming­thang tak nei mah se a pa hming a uanpui duh lo a, Cruzeiro tana trial-a neihnaah a pa hming sawi miah loin thlan a ni.

Kum 14 mi forward hian a pa hming vang liau liaua thlan hlawh a ni ang tih a hlau a, a pa hming sawi duh miah loin trial hi a hmachhawn a, thlan a ni ta tho a ni.

Brazilian club Cruzeiro chuan, "Ronaldinho fapa a ni chungin a pa hming a sawi duh lo a, a thiamna avanga thlan fel a nih vek hnuah a pa hi Ronaldinho a ni, tih kan hre ve chauh a ni," an ti.

Cruzeiro grassroots football director Ama­rildo Ribeiro chuan, "Pla­yer lian ṭha tak, chuti chunga speed nei ṭha leh finishing tawih tak a ni," tiin Ronaldinho fapa hi a fak.

Kum 2025 thleng atana Cruzeiro-a contract ziaktu Mendes chuan, "Cruzeiro-a professional contract ziah a, Minei­rao-a mipui khat tlat hmaa goal khung a, fan-te tana hlan hi ka duhthusam chu a ni," tiin a sawi.