Mbappe-a'n Olympic khel dawn lo

Paris Saint-Germain forward Kylian Mbappe chuan a hmalam hun ngaihtuah a ṭul avangin French Football Fede-ration hnenah kumina neih tur Olympic-ah a tel theih loh tur thu a hrilh.

European Championship chu kumin June leh July thla hian khelh a ni dawn a, July leh August thlaah Olympic khelh a ni leh dawn. Olympic hi kum 23 hnuai lam inelna a nih avangin kum 22 mi Mbappe hi koh theih a la ni.

Amaherawhchu Mbappe hian PSG-ah kum khat chauh contract a nei tawh a, season ṭan hma hun thawlah a hmalam hun ngaihtuah a duh. Mbappe hian Parc des Princes-a cham tur hian kar khatah euro 700,000 a phut niin sawi a awm a, Real Madrid nen sawizawm a nih bawk avangin French forward hmalam hun hian ngaihven a hlawh ang.