Indian boxer pathum an positive

Bosphorus Tour-nament hmachhawna zin Indian boxer pathumte chu inelna an hmachhawnna hmun Turkey-ah Covid-19 an positive tih hmuhchhuah a ni a. Boxer pathum te hi Commonwealth Games gold medallist Gaurav Solanki (57kg), Prayag Chouhan (75kg) leh Brijesh Yadav (81kg) te an ni.

Boxer pathum bakah hian coaching staff zinga mi panga an positive bawk. Inelna hi March 19 khan zawh a ni a, hemi hnu hian Covid-19 an positive avangin India ramah an rawn let thei lo.

Tunah erawh boxer pathum bakah coach Santosh Birmole, physiotherapists Shikha Kedia & Dr Umesh leh video analyst Nitin Kumar te hi an negative tawh a, India ramah an rawn let dawn. Hetihlai hian coach Dharmendra Yadav erawh a la positive avangin a rawn la let thei lo.

Inelnaah hian mipa boxer zingah Solanki chiah hian medal a hawn a, bronze medal a dawng. Hmeichhe lamah brone medal latu Nikhat Zareen (51kg) chiahin medal a la pha bawk.