Tualchhung Cricket Saron leh Tlangnuam an tla

Cricket Association of Mizoram hnuaia inelna, Khaled Memorial 2nd Division Screening Tournament khelh laiah Saron leh Tlangnuam te chu an tla chiang tawh a, 3rd division lamah an tlahniam ang.

Nimin Durtlang Khel-muala inkhelah Saron hi Tlangnuam lakah wicket rukin an chak lo a, match ruk an khelh tawhah chak ni hmel an la hmu lo. An chunga awm Tlangnuam pawh vawi khat chauh an la chak avangin an inhamtang zo bik lo.

Vawiin hian Suaka Cricket Ground, Sihhmui lamah inkhel hmuhnawm a awm dawn. Mahuma Memorial 1st Division Screening Tournament hmahruaitu Chhinga Veng leh team ṭha Ramhlun Venglai an inkhel ang.