Hmahruaitu 76ers an tlawm

NBA Eastern Con-ference hmahruaitu Philadelphia 76ers chu nimin zing khan Denver Nuggets lakah 104-95 in an tlawm a, regular season kal laiah a vawi 15 nan an tlawm - table chung ber erawh an la luah chhuanzawm.

Ball Arena a inkhelah Nuggets tana season duhawm hmangtu Nikola Jokic-a'n point 21 a neih bakah rebound vawi 10 a la bawk, harsa lutuk loin a team a chakpui. 76ers erawhin player pawimawh Joel Embiid an chhawr theih loh an tuar.

Western Conference lama pathumna Los Angeles Clippers chu Orlando Magic lakah 96-103 in an tlawm. Clippers hian season bul an ṭan fuh a, table hmahruaitu dinhmun pawh an chelh hman hial - mahse tunah chuan Utah Jazz aiin vawi thum ngawtin an tlawm ngun ta zawk a ni.