Lazio leh Torino inkhelh a ngai dawn

Serie A dan leh hrai ang chuan Lazio an chak a, an khingpui tur Torino chu point khat paihsak tur an ni bawk. Mahse Italy Sports Court chuan team pahnih hi inhmachhawn ngei turin a ti.

Team pahnih hi March 2 khan inkhel tur an ni. Amaherawhchu hri leng vangin Torino an zin chhuak thei lo a, damdawi lam thiamte thurawn leh sorkar thuneitute duhdan angin an zin chhuak lo.

Lazio erawh inkhel turin an mualah an chhuak khawm a, player inlan tur pawh an thlang fel thlap. Mahse, an khingpui tur hi mel 430 vela hlaah an awm daih a, inkhelh theih a ni lo a ni.

Season tir lam khan Juventus leh Napoli inkarah hri leng vanga match khelh theih loh buaina hi a lo thleng tawh, Old Lady chu chaka puan ni hman mah se a hnuah Italian Olympic Committee (CONI) chuan team pahnih hi inkhel ṭha turin a lo ti tawh bawk.