Damdawi In aṭangin Argentina coach a chhuak

Argentina coach Lionel Scaloni chu a cycle khalh lai car-in a sut hnuin damdawi in aṭangin chhuahtir a ni leh tawh a, kum 40 mi manager hian a hliamte ṭhui a nih hnuah damdawi in a chhuahsan thu hi twitter lamah a tarlang a ni.

Player a nih laia Argentina tana vawi sarih inlan hman Scaloni hian 2018 World Cup hnua ban tak Jorge Sampaoli kha a thlak a, a chungah Argentina beiseina a innghat thui hle.

Argentina hian kum 1993-a Artemio Franchi Trophy an chawi hnuah major trophy an la chawi leh lo a, Deportivo La Coruna leh West Ham tana lo khel tawh ṭhin wingback ho hian June 14 aṭanga khelh ṭan tur Copa America an hmachhawn ang.