Comeback ropui chu!

Hmeichhe tennis player Tara Moore chuan beidawng duh loa a beih hram hramna rah a hmu a, 0-6 a set hmasa a hloh hnuah 0-5 ngawtin hnufual leh hman mah se hnehna a chang let thei.

Thawhlehni zan khan Sunderland-ah ITF World Tour event neih niin Moore hian bul a ṭan fuh lo hle a, game hmasa 11 hloh mah se huaisen taka tho chhuakin 0-6, 7-6, 6-3 in hnehna a chang let daih a ni.

Kum 26 mi Moore hian International Tennis Federation hnuaia inelna pakuaah nomawi a chawi tawh a, a match lehpekah chuan Yana Morderger leh Elena-Teodora Cadar te inkhela chak zawk a hmachhawn leh ang.