Magic Johnson a inhnukdawk

Los Angeles Lakers legend Magic Johnson chuan president of basketball operations a nihna aṭanga a ban thu a sawi. Lakers hian a zawna a season ruk nan NBA playoff an khel phak dawn lo a ni.

Johnson hi Lakers tana mi pawimawh leh langsar berte zinga mi a ni a, nikum nipui laia free agent ni chunga LeBron James an lakluh theihna tur pawha tha thawhtu langsar leh sulsutu a ni.

Mahse, Johnson hian James an neih hnuah pawh an tum ram an thleng zo lo hi pawi a ti a, nimin zinga Portland Trail Blazers laka 104-101 a an chak loh hma lawkin a chawlh thu hi a puang.

Kum 59 mi Johnson chuan, "Mi tam tak hlimna thlentu ka lo nih tawh ṭhinna kha nuam ka ti. Mahse, tunah chuan kan vaia ṭhat tlanna turin thutlukna ka siam a ngai," tiin 2017 February thla aṭanga a thawh ṭan hna a chawlhsan thu a sawi.