Nigerian legend Chukwu tan ṭanpuina

Tun hnaia Nigerian legend tlachhia leh nat­nain a tlakbuak Christian Chukwu ṭanpui turin Nige­­­rian sumdawng hau­sa tawntaw Femi Otedola a lo pen chhuak a, an ram captain hlui hi USA-ah a inen­kawl theihna turin $50,000 (Nuai 34.626) a pe dawn.

Kum 68 mi ni tawh Chukwu hian kum 1980 khan captain nichungin Nigeria chu a vawi khat nan Africa Cup of Nations-ah a champion pui a, inkhelh a chawlhsan hnuah pawh coaching lamah kalin 2004 Nations Cup-ah khan Nigeria chu pathumna a nihpui.

Forbes magazine-in dollar tluklehdingawn 1.8 sum nei nia an sawi Otedola chuan an ram captain hlui chu, 'Ram tana a theihna sang ber lo hlan tawh ṭhin' a nih avangin lawmthu sawina angrenga ṭanpui tur a nih thu a sawi.

A vanglai huna Nige­rian defender ṭha ber pawl Chukwu hi Nigerian Football Federation pawhin an ṭanpui tur thu an lo sawi tawh a, mahse NFF hi Chukwu hian a hlawh $128,000 (Nuai 88.64) la ba-ah a puh a ni.