MFA Women's League Vakiria FC an la chak vek

Nimin khan MFA Women's League chu Lammualah khelh chhunzawm a ni a, Vakiria FC chuan Siaha District FA chu 2-0 in an hneh a, match nga an khelh tawhah an la chak vek. Vakiria tan hian an star player pahnih Miriam Lalnunsiami leh Grace H Lalrampari ten goal khat ve ve an khung.

Vakiria FC-in hnehna an chan avangin G&SA, ITI Vengin semifinal an lut nghal a, amaherawhchu ITI Veng hmeichhe team hian pahnihna dinhmun hauh mektu Chanmari Women FC chu 2-0 in an hneh lo. Chanmari tan hian Lalrinmuani chuan second 24-na lekah goal a khung a, tun inelnaa goal khung rang ber a ni. Second half-ah Lalrinzuali chuan Chanmari goal hnihna a khung leh bawk.

Womens League-ah hian team nga telin vawi hnih ṭheuh an inkhelh kual hnuah a sang paliin semifinal an lut dawn a; team pathum Vakiria FC, Chanmari Women FC leh G&SA, ITI Veng ten knockout stage hi an lut tawh a ni.

Nimin Inkhel Results
Vakira FC 2 - 0 Siaha District FA
VFC : Miriam Lalnunsiami 68'; Grace H Lalrampari 70'
G&SA, ITI Veng 0 - 1 Chanmari Women FC
CWFC : Lalrinmuani 1'; Lalrinzuali 48'

April 12, Zirtawpni
Vakiria FC 12:30 PM G&SA, ITI Veng
Siaha District FA 2:30 PM Maubawk Women FC

April 15, Thawhṭanni
Chanmari Women FC 5:30 PM Siaha District FA
Maubawk Women FC 7:00 PM Vakiria FC

April 17, Nilaini
G&SA, ITI Veng 5:30 PM Maubawk Women FC
Chanmari Women FC 7:00 PM Vakiria FC