TJ-a'n hrem a nihna pawm

UFC bantamweight champion TJ Dillashaw chuan doping test a paltlang zawh loh avanga kum hnih chhung fight hmachhawn thei lo tura hrem a nihna chu a pawm a, kum hnih chhung chu octagon-ah kan hmu dawn lo tihna a ni.

Kum 33 mi fighter hian damdawi hman phal loh a lo hmang tih hmuhchhuah a nih avang hian thla hmasa khan a title kawl lai chu a lo kalsan tawh a, tunah chuan kum hnih chhung atana hrem a nihna pawh a pawm ta.

United States Anti-Doping Agency chief Travis Tygart chuan, "Infiamna khawvela chungnung ber ni tura inelna hautak zia chu kan hre vek a, hei vang tak hian uluk taka test kalpui hi a pawimawh reng a ni," a ti.

American fighter hrem a nihna hi January 18, 2019 aṭang khan chhiar sak a ni. Hetichung hian a kum a tam tawh avangin hremna a tawrh zawh hnuah a rawn kir leh kher ang em, tih chu zawhna awm thei tak a ni.