Pollard-a'n Mumbai Indians a chak pui
Cricket inelna ngaihhlut hlawh Indian Premier League-ah Nilaini zan khan inkhel hmuhnawm bik a awm a, Mumbai Indians chuan an ball hmachhawn hnuhnung ber hmang ṭangkaiin Punjab Kings XI chu wicket thumin an hneh.
Wankhede Stadium, Mumbai-ah Punjab Kings XI-in an bat hmasa a, KL Rahul century leh Chris Gayle (63) te chet ṭhat zarah over 20 chhungin run 197 zet an siam a, chak turin an dinhmun a ṭha. Amaherawhchu Mumbai Indians tan Kieron Pollard chuan ball 31 lekah run 83 a siam a, West Indies all rounder hi over tawp berah thi mah se Alzarri Joseph chuan ṭha taka a tawp a rawn kharin mual neituin hnehna an chang.
IPL khelh mekah Chennai Super Kings chu hmahruaitu an ni a, Mumbai Indians-in an elpui an hneh zarah pathumna dinhmun an luah ve bawk.