Mizo baller-ten trial hmachhawn dawn

Junior NBA chu coach Michael Philips (USA) hoin Mizoramah an trial an rawn nei a, East Zone Tryouts hmachhawn turin player pahnih Zarkawt rawlthar Joel Lalmuansanga leh Khatla South rawlthar B. Zonunmawia bakah coach Marc Lalthlamuana Sailo (Tetea), Zarkawt te an thlang.

Mizo pathumte hian nimin khan tryout an hmachhawnna tur hmun Kolkata an pan a, hetah hian an tling a nih chuan India ram khawpui Delhi-ah national tryout an nei leh ang. India ram aṭang hian mi 12 an thlang dawn a, thlanchhuahte chu Orlando, USA-ah inzir turin an kal ang.

Junior NBA Tryouts hi Mizoramah neih a ni tawh ṭhin a, tun ṭum hi Mizo zinga thlan an awm hmasak ber a ni a, Mizo basketball tan rahbi thar a ni.