MCL-ah nuai riat seng dawn

Mizoram cricket inelnaa sum tamna ber Mapuia Cricket League-ah nuai riat sen ral a ni dawn. April 22 aṭanga neih ṭan tur inelnaah hian team paruk an tel dawn a, lawmman atan ringawt Rs 3,20,000 sem ral a ni ang.

Champion team hian Rs 1,15,000 an dawng dawn a, a hniam ber parukna pawhin Rs 30,000 an dawng dawn a ni. LPS chuan MCL atan hian Rs 4,00,000 an thawh a, auction leh match zawng zawng live-in an pe chhuak dawn bawk.

MCL atana sum hman tur dang hi sponsor leh auction aṭanga lut tura ruahman a ni. Team pali Zarkawt Lords, Kulikawn CC, Chhinga Veng CC leh Ramhlun Venglai CC te chu tling chiang sa an ni a, hmun ruak pahnih hi Rs 50,000 aia hniam lo ve vea chhan tur a ni a, kum khat chhung atan a ni ang.

Player lilamna hi April 13-ah neih tur a ni ang a, category hnihah ṭhen hran a ni. Category 1-a awm player-te hi a hniam berah Rs 5000 tala chhan tur a ni a, category 2-a player te chu Rs 3000 tala chhan an ngai thung.

Team tin hian BCCI/CAM approve ngei coach an neih a ṭul a, MCL-a tling sa team pali hi an player neihsa chu an chelh phal sak an ni.

Hetihrual hian club tinin auction aṭangin player pathum ṭheuh tal an lei tur a ni a, club ambassador an neih ṭheuh a ngai bawk.

Lawmman
Champion Rs. 1,15,000
Pahnihna Rs. 65,000
Pathumna Rs. 40,000
Palina Rs. 40,000
Pangana Rs. 30,000
Parukna Rs. 30,000