MFA Women's League Semifinal khel tur a hriat kim

Mizoram Football Association (MFA) buatsaih hmeichhe pual football inelna MFA Women's League semifinal khel tur chu round hnih khelh hmabak a la awm chungin a hriat kim.

Nimin inkhelah Maubawk Women FC chuan table mawngphaha awm Siaha DFA chu 2-0 in an hneh a, pathumna dinhmun an luah. Hetihlai hian Siaha tan an chunga awm G&SA, ITI Veng chu an um phak theih tawh loh avangin semifinal an lut thei tawh lo.

Team nga telna Women's League aṭangin Vakiria FC, Chanmari Women FC, Maubawk Women FC leh G&SA, ITI Veng ten semifinal an lut. Hmahruaitu Vakiria hian nimin khan G&SA, ITI Veng chu 3-0 in an hneh a, match ruk an khelh tawhah an la chak vek bakah goal an la chhuah lo.

Nimin Inkhel Results
Siaha DFA 0 - 2 Maubawk Women FC
MWFC : Lalmalsawmi 29'; Zairemmawii 48'
Vakiria FC 3-0 G&SA, ITI Veng
VFC : Miriam Lalnunsiami 12'; Grace H. Lalrampari 23'; Lalnuntluangi 68'

April 15, Thawhṭanni
Chanmari Women FC 5:30 PM Siaha District FA
Maubawk Women FC 7:00 PM Vakiria FC

April 17, Nilaini
G&SA, ITI Veng 5:30 PM Maubawk Women FC
Chanmari Women FC 7:00 PM Vakiria FC