Ferran Torres-a'n goal a khung

Manchester City for-ward Ferran Torres-a'n Spain tan goal a khung a, La Roja-in Nilaini zan khan Kosovo 3-1 in an hneh.

Estadio de La Cartuja, Sevilla-ah Spain tan Dani Olmo-a'n minute 34-naah goal hmahruai a khung a, minute hnih hnuah Torres-a'n a khung lehnghal.

Kosova-in Besar Halimi hmangin minute 70-naah khung ve bawk mah se Gerard Moreno-a'n minute 75-naah Spain goal thumna a khung. Luis Enrique hoten match thum aṭangin point sarih an hmu a, World Cup khel tur zawnnaah chak loh an la nei lo.