Zaninah Leipzig Vs Bayern

Zanin dar 10:00 hian RB Leipzig-in an mualah Bundesliga hmahruaitu Bayern Munich an mikhual dawn. Bavarians tan inhliam vanga Robert Lewandowski a inlan dawn loh avangin Leipzig tan Hansi Flick-a hote hneh theihna hun ṭha a ni ang.

Amaherawhchu Ger-man football thununtu Bayern hi an squad an chhah ṭha a, Lewy tel lo pawhin rinkai an ni ang. Germany captain hlui Philipp Lahm chuan, "Bayern hian position tinah player ṭha chhawr tur leh a thlakna tur an nei zel thei a, team ṭha bik an ni. Amaherawhchu an tlarhnung an phui bik loh avangin counter attack an dawl lo a, Leipzig hi nawr thutah an ṭhat avangin eng result pawh thleng thei a ni," tiin a sawi.

Bundesliga champion lai Bayern hian point 61 an hmu tawh a, RB Leipzig aiin point li chauhin an hmu tam zawk.