Brooklyn Nets an sang zel

NBA Eastern Conference hmahruaitu Brooklyn Nets chuan an dinhmun an sawhnghet zel. Nimin zing regular season inkhelah Nets hian Charlotte Hornets 111-89 in an hneh a, season kal laia a vawi 34 nan hnehna an chang.

San Antonio Spurs aṭanga Nets zawmtu LaMarcus Aldridge-a'n a team thar tan point 11 a neih bakah rebound vawi kua lain assist vawi ruk a nei bawk. Nets tana point nei hnem ber erawh Jeff Green (20 points) a ni.

Inkhel dangah Stephen Curry-a'n point 36 leh rebound vawi 11 la mah se Golden State Warriors chak nan a tawk zo lo a, an khingpui Miami Heat lakah 116-109 in an tlawm.