Juve-in player pathum an hrem

Juventus chuan an player pathum - Paulo Dybala, Weston McKennie leh Arthur te an hrem a, zanin dar 9:30-a Torino an lenchilh hunah an player hremte hi an inlan ve lo ang.

Nilaini zan khan McKennie hian a chenna inah 'party' a buatsaih, hetah hian mi 10 a sawm khawm - an zingah hian Old Lady tana a khelhpui pahnih pawh hi an tel a ni.

Italy ramah Covid-19 a hluar a, hei vang hian inkhuahkhirhna dan khauh tak an siam. Mimalin party buatsaih phal a ni lo a, zan dar 10 aṭanga zing dar 4 thleng curfew a ni bawk.

McKennie-a ṭhenawmte chuan police hnenah thil thleng hi an hrilh, police hi zan dar 11:30 velah va kalin an lo la intihlim; sorkar thu chhuak an bawh chhia a ni. Player pathum hi inkhel lo tura an tih bakah pawisa an chawitir nia sawi a ni.