Tendulkar-a'n Covid-19 a kai

Indian cricket legend Sachin Tendulkar chuan kar liam ta khan Covid-19 a kai a, damdawi inah dah luh a ni.

India captain hlui Tendulkar chuan, "Mahni dinhmun hriat nan Covid-19 test ka nei a, vanduaithlak takin ka positive. Ka chhungkaw member dang erawh an negative vek a, doctor thu zawmin damdawi inah ka lut," tiin March 27 khan twitter-ah ziak.

Nimin khan Sachin chuan, "World Cup champion aṭangin kum 10-na a ni leh ta a, Indian mi zawng zawng leh ka khelhpuite chibai ka buk a che. Damdawi in pawh ka chhuahsan thuai ka beisei," tiin twitter-ah bawk a ziak.

Kum 2011 khan India chuan Mumbai-a World Cup final khelhah Sri Lanka chu wicket ruka hnehin World Cup nomawi an chawi a, final-ah hian opener Sachin hian run 18 siamin Gautam Gambhir chuan run 97 zet a siam bakah MS Dhoni-a'n thi loin run 91 a siam a ni.