Tualchhung Cricket RVL lakah Chhinga Veng an tlawm

Mahuma Memorial 1st Division Screening Tournament khelh laiah Ramhlun Venglai chuan Chhinga Veng lakah run 64-in hnehna an chang a, inelna neih mekah hian tlawm loa kal tluang thei an awm ta lo.

Inrinni zing lamah ruah a sur a, Suaka Cricket Ground, Sihhmui a huh avangin nghah ro a ngai a, over 50 khelh tur chu 35-ah tih hniam a ni. Ṭhum vawra vannei zawk Ramhlun Venglai lamin vuak hmasak thlangin run 170/9 an siam.

A zawna vawi li chak tawh Chhinga Veng tan target sang pangngai tak a ni, an player neih dan chhut erawh chuan umphak thei turin an ṭha tawk. Mahse, RVL ball vawm thiam Remruatdika Ralte an ngam lo, ani hian wicket thum a la.

VL Remruatpuia leh F. Lalruatfela ten wicket hnih ve ve an la bawk a, 3C lamin over 30.1 chhunga run 106 siamin an thi kim. Match nga khelh tawh chinah RVL leh Chhinga Veng hi vawi li ve ve an chak a, vawi khat chak loh an nei.

Mahuma Memorial (1st Division)
A hmun: Suaka Cricket Ground, Sihhmui
Vawiin Inkhel Tur
Gorkha 09:30 AM Chanmarians
Inrinni Inkhel Result
Ramhlun Venglai (170/9) bt Chhinga Veng (106/10)
(Ramhlun Venglai hi run 64 in an chak)
Toss: Ramhlun Venglai lamin vuak hmasak an thlang
PoM: Remruatdika Ralte, Ramhlun Venglai

Khaled Memorial (2nd Division)
A hmun: Durtlang Khelmual
Vawiin Inkhel Tur
Legends 09:30 AM Gorkha Rising
Inrinni Inkhel Result
Luangmual (166/10) bt Venghnuai Raiders (105/10)
(Luangmual hi run 61-in an chak)
Toss: Venghnuai Raiders lamin vawm hmasak an thlang
PoM: Lalrinchhana, Luangmual