Mizoram hmeichhe team feh chhuak

AIFF buatsaih hero Junior Girls Football Championship khel turin Mizoram junior team chuan nimin khan Aizawl an chhuahsan a, inelna hi April 20 - May 1 inkar hian Kohlapur, Maharashtra-ah khelh tur a ni.

Mizoram team hi coach Vanlalpeka'n a kaihhruai a, Lawngtlai tlangval hi Dr TAo Under 21 inelnaa Mizoram junior boys champion puitu kha a ni a; manager atan Zembawk nula Mary Lalawmpuii ruat a ni bawk. Inelnaah hian state 27 an tel dawn a, Mizoram hi Punjab, Kerala leh Andhra Pradesh te nen group H-ah an awm ho a, a sang pahnihin round of 16 an lut ang.

MFA womens committee board secretary Peter Vanlalzawma chuan, "MFA-in huphurh takin hmeichhe tan league kan buatsaih a, he league hlawhtlin theih nan Vakiria FC, Chanmari Womens FC, Maubawk Womens FC, GSA ITI Veng leh Siaha DFA te rawn pen chhuakin an chungah kan lawm takzet. Heng club zarah hian MFA chuan team ṭha tak a tir theih phah dawn a ni," tiin a sawi.

India chuan kum 2020 hian FIFA Junior Womens World Cup a thleng dawn a, tun ṭum inelna hi player zawnna a nih dawn avangin a pawimawh khawp ang.

# Hming Pa Hming Club Veng/Khua
Goalkeeper
1 Lalhriatpuii Bobit Laldinthara GSA, ITI Dam Veng
2 Lalhmangaihkimi Lalrosanga GSA, ITI Sesawng
Defender
3 Lalhlupuii Varte Laldawngliana Maubawk WFC Champhai Vengthar
4 Lalmalsawmi Lalfamkima Maubawk WFC Maubawk
5 Lalduhawmi Rosangzuali Vakiria FC Vengthar, Kolasib
6 Lalrinchhani Thantluanga Vakiria FC Saidan, Kolasib
7 Lalmawizuali Lalchuailova Maubawk WFC Sesawng
Midfielder
8 Ruth Vanlalpeki Lalrintluanga GSA, ITI Luangmual
9 Lalchhandami Lalṭhumawia GSA, ITI ITI Veng
10 Lalrempuii Lalhmingtluanga Maubawk WFC Thingsul Tlangnuam
11 K. Ngopawdi K. Lalthlana Siaha DFA New Colony, Siaha
12 Nancy Lalhlimpuii Lalngurliana Siaha DFA Sesawng
13 Sandra Beipieso Notlia NT Lalringliana Siaha DFA New Colony, Siaha
Forward
14 Gladys Zonunsangi Zoramthanga Maubawk WFC Armed Veng South
15 Zion Lalramnghaki Lalramenga Chanmari WFC Ramthar Veng, Aizawl
16 Vanlalnghaki Lalrintluanga Chanmari WFC ITI Veng
17 Esther Lalchhuanawmi B. Lalrinmawia Siaha DFA Siaha
18 Lalrinmuani David Laltluangzela Chanmari WFC Darlawn
19 Lalnunsiami Lallawisanga Vakiria FC Bukpui
20 Vanlallawmi Zahmingliana GSA, ITI Dinthar