Holloway hmaah Poirier a dingchang

Nimina UFC 236 hmuhnawm takah Dustin Poirier chuan Max Holloway chu unanimous decision-in a hneh a, kum nga chhung tlawm tawh lo Holloway a tlawm ve ta.

Atlanta khawpuia inhnek hmuhnawm­ah judge pathumten 49-46 in Poirier hi hneh­na an chantir vek a, UFC interim light­weight title chu Poirier kutah a lut ta a ni.

Kum 30 mi Poirier chuan, "Hun hlimawm tak a ni a, mang rama cheng ang mai ka ni," tiin fight 13 chhung tlawm tawh lo Holloway a hneh chung­chang a sawi.

American fighter Poirier hian nikum July-a Eddie Alvarez a hneh hnuah octagon chhung a la rap leh lo a, nikum November khan UFC 230-ah Nate Diaz hmachhawn tura tih ni mah se hliam vangin a inhnukdawk.

A rawn kir lehna hmasa berah erawh ropui takin hnehna a chang zui - kum 2012 khan Holloway nen hian an lo intawng tawh a, hetih hunlaia tawnhriat la nei tlem tak fighter hi first round lekah awlsam takin a lo hneh tawh.

Fight hmuhnawm dangah Israel Adesanya chuan vawi 17 fight a hmachhawna vawi 17 hnehna a channa ni turin Kelvin Gastelum a hneh bawk a, unanimous decision veka chaka puan niin judge pathum ten 48-46 a chakah vek an puang a ni.