Mizo basketball tan chanchin ṭha

National Tryout hmachhawn turin Khatla South rawlthar B. Zonunmawia chu East Zone Tryout aṭangin a tling a, coach Marc Lalthlamuana Sailo pawh he zone head coach atan hian thlan a ni bawk.

East Zone Tryout hi April 12-13, 2019 khan Kolkata-ah neih a ni a, mipa leh hmeichhe player 10 ve ve thlan a ni. Zonunmawia ruala kal Zarkawt rawlthar Joel Lalmuansanga chu reserve team pick number 1 a ni a, thlan zinga remchang lo an awm a nih chuan National Tryout hi an hmachhawn nghal thei ang.

National Tryout hi April 25 hian Delhi-ah neih a ni dawn a, heta ṭang hian mi 12 thlan an ni ang a, thlanchhuahte chu Orlando, USA-ah inzir turin an kal ang. Mizo rawlthar Zonunmawia hi Home Mission School-a kal lai a ni a, Joel hi St Paul's Hr Sec School-a kal lai a ni thung.