Jazz lakah Rockets chungnung

Nimin zing khan Houston Rockets chuan NBA playoff-a an game 1 an khel a, an khingpui Utah Jazz chu 122-90 ngawta sawpin bul an ṭan ṭha hle.

Rockets tan hian regular season ang bawkin James Harden chu an player pawimawh leh ṭangkai a ni a. Season hmasa MVP hian Jazz lakah point 29 a neih bakah rebound vawi riat a la bawk a, a ball sem fing leh mawi tak tak hmangin inkhel a thunun.

Best of seven series khelh turah Rockets hian 1-0 in hma an hruai a, Ningani zing dar 7:00 hian game 2 an khel ang. Nimin zing inkhel dangah Portland Trail Blazers chuan Oklahoma City Thunder 104-99 in an hneh a, Milwaukee Bucks pawh Detroit Pistons lakah 121-86 in an chak ve bawk.