Zobawk leh Ramthar an tlang

Lunglei DFA hnuaia veng leh veng, khua leh khua football a inelna ngaihhlut hlawh ber HPC Cup 2019-ah Zobawk South leh Ramthar ten quarterfinal an paltlang.

Ṭhuamluaia Muala inkhelah Zobawk South chuan Bazarveng 3-0 in an hneh a, Hmingṭha­zuala, Lalmuankima leh Aizawl FC winger Isak Vanlalruatfela ten goal khat ṭheuh an khung a ni.

Inkhel hnuhnung zawkah Venghlun leh Ramthar te goal awm loin an inhnehtawk a, extra time khelh a nih hnuah pawh goal a lut lo. Penalty shootout-ah Ramthar hian 6-5 in hnehna an chang.

April 17 hian semi­final-ah Zobawk South leh Ramthar hi an inhmachhawn leh ang. Vawiin hian quarterfinal inkhel pahnih a awm leh dawn, April 22 hian final khelh tura tih a ni bawk.

HPC Cup Quarterfinal
Nimin Inkhel Results
Zobawk South 3 - 0 Bazarveng
ZOB : Hmingṭhazuala 2'; H. Lalmuankima 12'; Isak Vanlalruatfela 58'
Venghlun 0 - 0 Ramthar
(Penalty shootout-ah 6-5 in Ramthar an chak)

Vawiin Inkhel Tur
Ramlaitui 11:30 AM Pukpui
Zotlang 02:00 PM Chanmari