Singapore Open champion Momota

Pathianni khan badmin­ton inelna Singapore Open khelh zawh a ni a, mipa singles number 1 Kento Momota chuan Indonesia tlangval Anthony Sinisuka Ginting chu 10-21, 21-19, 21-13 a hnehin a champion.

World champion ni lai Momota hian inkhel a thunun thei mai bik lo. Ginting-a hi a thawkrimin a che rang em em a, game hmasa ber a lak bakah game hnihna an khelh lai pawhin 16-11 in hma a hruai.

Mahse, tunlai shuttler hmuh­nawm bera ngaih Momota-a'n huaisen takin a khingpui a pawtthla. A vawi hnih nana Singapore Open champion chuan, "Tun ṭum­ah chuan ka khingpui khan a khel ṭha zawk, mahse a chauh hnuah khan ka vannei ta zawk a ni," tiin a sawi.

Hmeichhe singles final lamah Tai Tzu-ying pawhin a vawi hnih nana nomawi chawi turin Nozo­mi Oku­hara chu 21-19, 21-15 in a hneh ve bawk. World number 1 hian minute 40 an inkhelh chhungin buai lai a nei lo, a chet ranna leh thiamna hmang­­in a khingpui a awpbet.

Kum 24 mi Tai Tzu-ying chuan, "Okuhara hi player ṭha tak a nih avangin match rei deuh hlek khel turin ka inbuatsaih a, ka beisei ai­in ka khel ṭha thei kha a lawmawm hle," tiin a sawi.

Champion te:
Men's Singles Kento Momota
Women's Singles Tai Tzu-ying
Men's Doubles Takeshi Kamura
Keigo Sonoda
Women's Doubles Mayu Matsumoto
Wakana Nagahara
Mixed Doubles Dechapol Puavaranukroh
Sapsiree Taerattanachai