India squad a chiang ta

Cricket World Cup 2019 atan India chuan nimin khan player 15 awmna squad a puang a, player langsar koh loh zingah Ambati Rayudu leh Rishabh Pant an tel.

Mahendra Singh Dhoni-a'n sawiselna tawk ṭhin mah se IPL-ah season duhawm tak a hman avangin koh zingah a tel a, a thachhang dawl turin Dinesh Karthik koh a ni bawk. KL Rahul leh Vijay Shankar chu koh zingah an tel a, England leh Wales-in an inthlen ṭawm tur inelna hi an vawi khat World Cup khelhna tur a ni.

India tan hian Virat Kohli chuan captain dinhmun a chelh dawn a, Rohit Sharma chu vice captain atan hman a ni ang. May 30 aṭanga neih ṭan tur Cricket World Cup-ah hian team sawm an inel dawn a, group-ah inṭhen hrang loin an inkhel kual vek ang a, a sang paliin semifinal an khel dawn a ni.

India Squad: Virat Kohli (C), Rohit Sharma (VC), KL Rahul, Dinesh Karthik, Shikhar Dhawan, Kedar Jadhav, Vijay Shankar, MS Dhoni (WK), Mohammad Shami, Bhuvneshwar Kumar, Jasprit Bumrah,Kuldeep Yadav, Yuzvendra Chahal, Ravindra Jadeja, Hardik Pandya