HPC Cup 2019 Semifinal khel tur a hriat kim

Nimin khan Pukpui leh Zotlang ten HPC Cup quarterfinal an paltlang ve leh a, semifinal khel tur team pali a hriat kim. Vawiin aṭang hian a thiam pali te an inel chhunzawm leh nghal ang.

Ṭhuamluaia Muala inkhel hmasa zawkah Pukpui chuan hun pangngaiah Ramlaitui 2-2 a an inhnehtawkpui hnuin, penalty shootout-ah 3-2 in an hneh hram, anni hian final lut tur chuan Zotlang an paltlang leh a ngai dawn.

Quarterfinal inkhel hnuhnung berah Zotlang chuan chawlhlawk hma hleka an winger C. Vanlalhlua goal ropui thun hmangin si khat faiin Chanmari an hneh a, kum 2015 hnu lama a vawi khat nan semifinal an thleng.

Inkhel dul ang reng takah Aizawl FC defender C. Lalro­sanga'n a nau Hlua tan hian long ball pein, Hlua hian 40 yard vel ball tlan puia Chanmari tlarhnung player pathum a bum hnuah an goal awmchhun hi a khung a ni.