Kar hnih chawl tur Neuer

Bayern Munich goal­keeper Manuel Neuer chu a chawn hliam vangin chawlh kar hnih chhung a chawlh a ngai dawn a, defender Mats Hummels pawh malpui hliam vangin a chawlh rih a ngai dawn.

Kum 33 mi Neuer hi an match hnuhnung bera Fortuna Dusseldorf 4-1 a an hneh ṭumin a hliam, minute 53-naah Sven Ulreich-a'n a thlak. Bayern hian an captain hi ni 14 vel a chawlh a ngaih an rin thu an sawi tawh a, hliam endik a nih hnuah pawh a chawlh chen tura rinlawk hi a danglam lo.

Germany international hian kar tawpa Werder Bremen nen Bundesliga an khelh hunah a inlan dawn lo a, Bremen nen thoa German Cup an khelh hunah pawh a inlan thei dawn lo tihna a ni. Hummels erawh ni rei lote chhung training a zawm thei rih dawn lo tih a ni thung.