MFA Women's League - Semifinal intum tur hriat zan

Mizoram Football Association (MFA) buatsaih hmeichhe pual football inelna MFA Women's League semifinal khel tur a hriat tawh a, zanin match hnih zawhah inhmachhawn tur a hriat ang.

Zanin dar 5:30-ah palinaa awm G&SA, ITI Veng leh pathumnaa awm Maubawk Women's FC an inhmachhawn dawn. Maubawk hian point an hlawh chhuak hrim hrim a nih chuan pathumna an ni dawn a, pahnihna Chanmari Women's FC nen semifinal-ah an inhmachhawn ang.

G&SA, ITI Veng tan erawh group match sarih khelh tawha la chak vek Vakiria FC pumpelh duh chuan Maubawk lakah hnehna chan a ṭul dawn. Group match hnuhnung berah Chanmari Women's FC leh Vakiria FC te an inkhel dawn a, an point hmuh dan thlir chuan final thlirlawkna pawh a tih theih ang.