ADVA Super League an spike off Vawiinah inelna an nei ṭan dawn

D-3 Business Enter-prise Super League Volleyball Tournament chu vawiin tlai aṭangin khelh ṭan a ni dawn. Aizawl District Volleyball Association (ADVA) buatsaih inelna lian hi Inrinni zan khan CYMA Hall, Tuikhuahtlangah spike off-a ni.

ADVA hnuaia mipa team 10 leh hmeichhe team pali inelna tur hi MVA Sr vice president Dr Lalmalsawma chuan a spike off-a, hrileng kara inelna an buatsaih thei tur chu a lawm thu a sawi zui bawk.

Tun hma chuan Mizoram Volleyball Association hnuaiah Super League an awm ṭhin, mahse Pro Volleyball League an awm hnuah a awm ta lo, tunah chuan district malin an buatsaih dawn ta a ni.