Barcelona an chak

Spanish La Liga inkhelah Inrinni zan khan Barcelona chuan 1-0 in Real Sociedad an hneh a, inkhela goal awmchhun hi Lionel Messi khung a ni.

 

Barca hian rei tak goal an khung lo a, an in draw mai dawn niin a lang hman. Mahse, minute 81-naah Sociedad defender Robin le Normand chuan a kutin ball a khawih fuh. VAR rawn a ni a, penalty pek a ni - Messi chuan hei hi harsatna nei loin goal-ah a chantir a, chak nan an hmang zui. Hun pek belhah Jordi Alba chuan khung belh mah se VAR bawk rawn a ni a, Ansu Fati chu a lo offside avangin pawm a ni lo.

 

Atletico Madrid-in top four luhna remchang an neih chu an bawh pelh a, Sevilla chu 2-2 in an inhnehtawkpui. Sevilla tana Luuk de Jong-a goal hmahruai chu Atletico hian Alvaro Morata (penalty) leh Joao Felix hmangin an chhang let. Mahse, Lucas Ocampos chuan penalty hmangin minute 43-naah a chhang let ve leh a, point khat ve veah team pahnih an lungawi a ṭul ta a ni. 

Inkhel Results

Deportivo Alavés    1 - 1    Valencia

Eibar    1 - 2    Mallorca

Atletico Madrid    2 - 2    Sevilla

Barcelona    1 - 0    Real Sociedad

Getafe    0 - 0    Celta Vigo

Team Dinhmun

#    Team    Pld    W    D    L    GF    GA    GD    Pts

1    Barcelona    27    18    4    5    63    31    32    58

2    Real Madrid    26    16    8    2    48    17    31    56

3    Sevilla    27    13    8    6    39    29    10    47

4    Getafe    27    13    7    7    37    25    12    46

5    Atletico Madrid    27    11    12    4    31    21    10    45

6    Real Sociedad    26    13    4    9    43    32    11    43