Final-ah champion lai Zobawk

Nimin khan HPC Cup 2019 semifinal hmasa zawk khelh a ni a, champion lai Zobawk South chuan Isak Vanlalruatfela goal khat hmanga Ramthar hnehin final an lut.

Ṭhuamluaia Muala inkhelah team pahnih ten chawlhlawk hmain goal thunna remchang an nei mang lo, minute 66-naah box chhung dinglam sir aṭangin Aizawl FC winger Isak-a'n a lirin a thawlh lut a, Ramthar tan quarterfinal-aVenghlun an hneh tuma cheṭha tak, Indian Arrows goalkeeper Lalbiakhlua Jongte tan dan ngaihna a awm lo.

Vawiin chawhnu dar 2:00 hian semifinal hnuhnung zawk khelh a ni dawn a, kum 2015 finalist Zotlang leh semifinal bak la thleng ngai lo Pukpui an inhmachhawn ang. Zotlang hian I-League player pathum an kawl mek a, rinkai ni mah se tun hnaia khel ṭha ve tak Pukpui hian an thawhhona ṭha hmangin ngam an tum ang.

HPC Cup Semifinal
Nimin Inkhel Result
Zobawk South 1 - 0 Ramthar
ZB : Isak Vanlalruatfela 66'
Hero of the Match: Isak Vanlalruatfela, Zobawk
Vawiin Inkhel Tur
Pukpui 02:00 PM Zotlang
April 22, Thawhṭanni - Final
Zobawk South 01:00 PM Zotlang/Pukpui