April 22-ah Chhinga Veng Vs Kulikawn

Mizoram cricket inelnaa sum tamna ber Mapuia Cricket League chu April 22-ah khelh ṭan a ni dawn a, match hmasa berah Chhinga Veng CC leh Kulikawn CC an inkhel dawn.

LPS-in live-a an pekchhuah tur inelna hi Suaka Cricket Ground-ah vek khelh tur a ni a, team panga Chhinga Veng CC, Kulikawn CC, Ramhlun Venglai CC, Zarkawt Lords CC leh Chanmarians CC te an inel ang.

Team panga-te hi an inhmachhawn kual vek hnuah a sang pahnihin qualifier 1 an khel ang a, he inkhela chak zawk hian final an lut ang. Pathumna leh palina chu eliminator round-ah an inkhel ang a, a chak zawkin qualifier 2 an lut ang.

Qualifier 2-ah hian eliminator round-a chak leh qualifier 1-a chak lo team an inhmachhawn leh ang a, a chak zawkin May 4-a khelh tur final an lut dawn a ni.