Bulls lakah Nets an tlawm

A zawna match ruk chhung an chak loh hnuah Chicago Bulls an chak ve leh ta. Bulls hian team ṭha Brooklyn Nets lakah 115-107 a hnehna changin playoff khelh an beiseina an chhawm nung zel.

Kuminah Nets an indinthar a, NBA champion nih an tum ngam - tun hnaiah match li an chak zawn hial. Mahse Bulls lakah an player pawimawh James Harden leh Kevin Durant te an inlan thei lo a, an tuar tih a chiang.

Los Angeles behchhan club pahnih ten chungnung zawk nih an inchuh a, inkhel hmuhnawm takah Clippers lamin 104-86 in Lakers an hneh. NBA champion Lakers lamin LeBron James leh Anthony Davis an la chhawr thei lo a, player ṭha pahnih tel loin tun hnaiah an che hleithei lo.