Tualchhung Cricket Durtlang an chak nuamsa

Nimin Mahuma Memorial 1st Division Screening Tournament inkhelah Durtlang an chak nuamsa hle. Durtlang hian an khingpui Bawngkawn South chu wicket sarihin an hneh.

Suaka Cricket Ground, Sihhmuia inkhelah Durtlang hi ṭhumvawrah vannei zawkin vawm hmasak an thlang. H. Zothanchhunga chuan over sarih a vawm aṭangin wicket nga ngawt a la a, run 22 chauh a pe.

Player of the Match atana thlan Zothan-chhunga bakah hian Aditya More-a'n wicket thum lain Zothanzuala chuan wicket hnih a la ve bawk, over 14.1 lekah Bawngkawn an vawm hlum vek - run 41 bak an siam hman lo!

Durtlang lam tan target hniam tak a ni a, over 9.1 chhunga khumin hnehna an chang.

Khaled Memorial 2nd Division Screening Tournament lamah pawh run an siam hnem lo. Hunthar (148/10) chuan an khingpui Chaltlang (52/10) an sawp ve bawk a, final lut turin an dinhmun a ṭha ta hle.

Khaled Memorial-ah hian league match vawi khat ṭheuh khelh hmabak an la nei. Legends an tlang chiang tawh a, pahnihna Hunthar leh an hnuai chiaha awm Luangmual ten final hmunruak pakhat an inchuh dawn.

Hunthar hian Net Run Rate (2.146) an nei ṭha a, an khingpui tur Luangmual (0.175) tan final lut tur chuan vanneih tel a ngai dawn hle.

Mahuma Memorial (1st Division)
A hmun : Suaka Cricket Ground, Sihhmui
Vawiin Ininkhel Tur
Zemabawk Pitchers 09:30 AM Kulikawn
Nimin Inkhel Result
Durtlang (45/3) bt Bawngkawn South (41/10)
(Dirtlang hi wicket sarihin an chak)
Toss : Durtlang lamin vawm hmasak an thlang
PoM : H. Zothanchhunga, Durtlang

Khaled Memorial (2nd Division)
A hmun : Durtlang Khelmual
Vawiin Inkhel Tur
Tlangnuam 09:30 AM Venghnuai Raiders
Nimin Inkhel Result
Hunthar (148/10) bt Chaltlang (52/10)
(Hunthar hi run 96-in an chak)
Toss : Hunthar lamin vuak hmasak an thlang
PoM : Vanneitluanga, Hunthar