UFC 248: Israel Adesanya a chak

Nimin zing khan Israel Adesanya chuan UFC middleweight title a kawl lai chu Yoel Romero lakah a humhim a, kum 30 mi fighter hi unanimous decision(49-46, 48-47, 48-47) hmangin chak zawkah puan a ni.

 

T-Mobile Arena, Las Vegas-a fight hmuhnawm hmuh beisei fan-ten an beisei ang an hmu lo a, first round chhung phei chuan fighter pahnih hian hnek chhuah an nei mang lo - referee Dan Miragliotta chuan fighter pahnih hi'fight' nei tura a hrilh an ngai hial a, fans lungawi loin an au el nasa hle bawk. 

Vawi 19 fight a hmachhawna la chak vek Adesanya chuan, "Beisei ang a ni lo tih ka hria a, mahse ka tih tur chu ka ti a ni," tiin mipui beisei ang an chhawp loh thu a pha lo. Hetihlai hian hmeichhe fight lama Zhang Weili-i'n Joanna Jedrzejczyk-a hneh lai erawh hmuhnawm a tling a, Chinese fighter Zhang hi split-decision (48-47, 48-47, 47-48) hmangin chak zawkah puan a ni.