Australia an champion

ICC Women's T20 World Cup final chu nimin khan Melbourne Cricket Ground-ah khelh a ni a, inelna thlengtu Australia chuan run 85-a India hnehin an champion.

Ṭhumvawrah Australia chakin bat hmasak an thlang a, opener pahnih Alyssa Healy (75) leh Beth Mooney (78) te khel ṭhain over 20-ah 184/4 zet an siam. India hmabak a hautak a, Aussie bowler Megan Schutt (18/4)  leh Jess Jonassen (20/3) te lakah India batsman tean thamral.

India tana run siam tam ber Deepti Sharmapawhin run 33 chauh a siam a, over 19.1-ah run 99 siamin an thi vek. Entu 86,174 hmaah Australia chu hmeichhe T20 World Cup-a a vawi nga nan an champion.