Badminton-a India aiawh tur Mizo naupang

Mizo badminton player beiseiawm Saitluangpuia Sailo chu kum 15 hnuai lam inelnaah India aiawhin a feh chhuak dawn a, Bangkok a neih tur Yonex-Singha-Roza BTY Junior International Challenge leh Jakarta khawpuia neih tur Pemrangunanjaya Raya Junior Grand Prix 2019-ah te ram tan a inlan ang.

Bangkok-a neih tur inelna hi April 23-a neih ṭan tur niin April 24-ah an zo dawn a, Saitluangpuia hi he inelna a hmachhawn zawh veleh hian April 30-a neih ṭan tur Jakarta inelnaah a inlan leh dawn a ni.

Ramhlun Venglai naupang Saitluangpuia Sailo hi SAI Gopichand National Badminton Academy, Hyderabad a badminton zirlai a ni a, tournament pahnihah hian Under 15 singles leh doubles te a khel ang.