Taekwondo Black belt exam

Taekwondo Federa­tion of India buatsaihin April 15-18 chhung khan Mizoram Amateur Taekwondo Asso­ciation Hall, Republic Veng­thlangah Taekwondo Black belt Examination chu buatsaih a ni.

Exam-ah hian mi 41 an inlan a, Taekwondo Fe­deration of India in exa­miner tura a ruat angin Mizo 5th Dan Black belt pahnih Master V.L.Sawma leh Master Joseph Than­sanga ten an endik.

Taekwondo exam-ah hian ni thum chhungin test chi hrang hrang paltlang a ngai. Hriselna leh theihna (Physical fitness), mahni inven dan (Self-defence), thiamna bik endik (Special Technique), brick sah bun (Brick Breaking), thiam dan (Poomsae), figh­ting skills (Sparring) leh taekwondo thiamna ṭobul hriat leh hman theih (Basic Skills) endikna zawng zawng paltlang a ni.

Exam result hi TFI chuan World Taekwondo Headquarters, Kukkiwon, Seoul, South Korea-ah thawnin a pass zawngte tan World Taekwondo Degree Certificate a pe ang.

Kum 2008 aṭang khan TFI chuan Aizawl hi exam centre pakhat atan a pawm a, India ram puma a duh apiang tan exam hi a hmachhawn theih. Tun ṭumah hian Mizo hlang an exam.