Maria Sharapova a inhnukdawk

Maria Sharapova chuan karleha khelh tur Stuttgart Open-ah a inlan tur thu sawi tawh mah se, a dar na a la dam fel theih loh avangin a inhnukdawk. Russian star hi tennis court-ah a hmel kan la hmu thei dawn rih lo.

Grand Slam vawi nga champion tawh Sharapova hi January thla khan St Petersburg-ah a inlan a, hemi ṭum hian a dar a hliam. A hnu lamah inelna pangngai a la hmachhawn leh lo a ni.

Kum 32 mi Sharapova chuan, "Germany lama min ṭantute chungah ngaih­dam ka dil, ka dam phawt chuan kumtin Stuttgart Open hi ka khel ve ziah, kuminah erawh ka inlan thei lo tur hi pawi ka ti hle," a ti, Stuttgart Open-ah hian vawi thum a champion tawh a ni.