Vawiinah Women's League semifinal

MFA Women's League semifinal chu vawiin hian Lammualah khelh a ni dawn. Tlai dar 5:30-ah league hmahruaitu Vakiria FC leh Maubawk Women's FC te an inkhel ang a, zan dar 8:00-ah pahnihna Chanmari Women's FC leh pathumna GSA ITI Veng te an inkhel ang.

Nilaini khan league round khelh zawh a ni a, Vakiria FC chak tluang record chu a tawp. Match sarih chak zawn tawh Vakiria FC hi league round khar nan Chanmari Women's FC nen 1-1 in an inhnehtawk a, team pahnih hi final-ah pawh inhmachhawn se a mak lo ang.

Inkhel dangah GSA ITI Veng chuan an elpui Maubawk Women's FC chu 1-0 in an hneh a, ITI Veng hian pathumna dinhmun hauhin Chanmari Women's FC lakah fiahin an awm dawn.