Champion lai Hunthar an chak
Suzuki Gixxer Pro Volleyball League 2019 khelh laiah Hunthar chuan an match hmasa berah TNT chu 15-13, 16-14, 13-15, 15-12, 12-15 (3-2) a hnehin inelna bul an ṭan fuh hle.
Inrinni zan Chawnpui Sports Centre-a inkhelah a zawna vawi hnih PVL champion ni lai Hunthar tan state dang aṭanga an lakluh Deepesh Kumar Sinha chuan a thawh hlawk hle a, point 33 ngawt hlawh chhuakin RS Traders Player of the Night atan thlan a ni.
TNT lam an khel ṭha tawk lo a, captain Vanlalchhantluanga Sailo chuan point 12 a hlawh chhuak tih bak chu player dang point 10 nei tling thei an awm lo. Chak lo mah se set hnih an lak ve theih avangin bul ṭanna chhe tak chu a ni bik lo. PVL-ah hian set an lak chuan a chak lo lam pawhin point an hmu ve tho.
Zanin hian a hmun ngaiah inkhel a awm leh dawn a, season hmasa khel ṭha tak Durtlang North leh intuai thar Anastasia Electric Veng an inkhel ang, senior team inkhelh hmain junior team an khel hmasa leh ang.