Terence hmaah Amir a tlawm

British boxer Amir Khan-a'n WBO world welterweight title a beiseina chu Terence Crawford hmaah nimin khan a thamral a, round ruknaah a khelh chhunzawm theih loh avangin 'technical knockout' hmangin tlawmah puan a ni.

Amir Khan hi round khatnaah tlu mah se tho lehnghalin a insiamṭha vat a, huaisen takin rin hlawh zawk Crawford hi a bei let. Mahse, round ruknaah a kawng hnuai lam na a ti a, khelh chhunzawm thei loin inhnek an titawp.

Terence hian Amir-a kawng hnuai lamah dik lo takin a hnek niin a lang a, mipui lam pawhin an au el nasa hle. Mahse, technical knockout hmanga chakah puan a ni ta zawk. American boxer la tlawm ngai lo chuan, "I tlawm a nih chuan chiang takin sawi mai rawh," tiin Amir hi a tih el.

Kum 32 mi Amir chuan, "Knockout mai pawh pawi ka ti lo zawk a, ho takin ka tlawmsan mai lo ang. Fan-te hnenah ngaihdam ka dil a ni," tiin chhan ṭha taka vanga tlawm a nih thu a sawi.